എരിയുന്ന സൂര്യന്റെ ചൂട് പോലറിയുന്നു
വെയിലില്‍ തഴുകുന്ന കാറ്റ് പോലറിയുന്നു
കാറ്റില്‍ നിറഞ്ഞോരാ കുളിര്‍ പോലെ അറിയുന്നു
അറിയുന്നു നിന്നെ ഞാനറിയുന്നു
കടല്‍ പോലെ തിര പോലെ നുര പോലെ അറിയുന്നു
പുഴ പോലെയറിയുന്നു
മഴ പോലെയറിയുന്നു
നീലവിരിയിട്ട നിശയുടെ മാറില്‍
നിര്‍മിഴിക്കോണില്‍ നിന്നിറ്റിറ്റു വീഴും
ഹിമബിന്ധുവില്‍, നേര്‍ത്ത-
തണുപ്പായിയറിയുന്നു
മൌനമായ്‌ മാറുന്ന ശബ്ദത്തിലറിയുന്നു
നെഞ്ചിലമരും നിന്‍ ശ്വാസത്തിലറിയുന്നു
അറിയുന്നു നിന്നെ ഞാനറിയുന്നു
എന്റെ ഹൃദയത്തിലറിയുന്നു
എന്റെ സ്വപ്നങ്ങളിലറിയുന്നു
നിന്നെ ഞാനെന്നില്‍ അറിയുന്നു...
നിന്നെ ഞാനെന്നില്‍ അറിയുന്നു
No comments:
Post a Comment