എനിക്ക് നീ തന്നൊരീ-
കൂട്ടിനുഞാന്‍ എന്നെ നല്‍കുന്നു കൂട്ടുകാരാ
ഓര്‍മ്മയുടെ ഊടുവഴികളില്‍ എന്നും-
കൂട്ടായി വന്ന പ്രിയകൂട്ടുകാരാ
നീളുന്ന വഴികളില്‍ എന്‍ മുന്നില്‍ എന്നും-
നിഴലായ് നിലാവായ് നീ നടന്നു
ഒരു വാക്ക് ഞാന്‍ പറഞ്ഞില്ല എങ്കിലും-
അന്നു നിയെന്നെ തിരിച്ചറിഞ്ഞു
ഈ ഹ്രസ്വയത്രകള്‍ പലവഴി എങ്കിലും-
പിരിയില്ല നിന്നെ ഞാന്‍ കൂട്ടുകാരാ
രണ്ടക്ഷരം ഞാന്‍ നിനക്കായി നല്‍കുന്നു-
'സ്നേഹം' എന്നൊരൊറ്റ വാക്ക്
ഞാനതിനു നല്‍കുന്ന മൂല്യമെന്‍ ജീവന്‍
ഞാനതിനു നല്‍കുന്നു ചോര തന്‍ വര്‍ണ്ണം
ഞാനതിനു നല്കുന്നെന്‍ ഹൃദയത്തുടിപ്പ്‌
ഞാനതിനു നല്കുന്നെന്‍ മണ്ണിന്റെ ഗന്ധം
ഞാനെന്റെ സ്നേഹം നിനക്കായ്‌ നല്‍കുന്നു
സ്വീകരിച്ചാലും നീ എന്‍ കൂട്ടുകാരാ
No comments:
Post a Comment